«Елбасының тапсырмасымен біз «Нұрлы көш» атты арнаулы жоба жасадық «, — деді Б. Сапарбаев.
Оның айтуынша, «жобаға сәйкес, ішкі және сыртқы көші-қон аясында тартылатын жұмыс күші көшбасшы-қалалар мен серіктес қалалардың, жоғары және орташа даму потенциалы бар ауылдық елдімекендер мен шекаралық елдімекендердің айналасында жасақталады».
Министрдің айтуынша, қазіргі күрделі проблемалардың бірі — халықтың жұмыспен қамтылу тиімділігінің төмендігі мен жұмыс күшінің мобильділігінің төмендігі болмақ. «90-шы жылдардың басынан бері өнеркәсіпте еңбек ететін халықтың үлесі 11%-ға төмендеп, ауылшаруашылығында 9%-ға ұлғайып, қазір ол 30%-дан асты. Өздеріңіз көріп отырғандай, еңбегі ауыр әрі өнімділігі төмен салаларда жұмыс істейтіндердің жоғары үлес салмағы сақталып отыр», — деді ол.
Ақпаратты пайдаланған жағдайда «Казахстан Сегодня» ақпараттық агенттігіне сілтеме жасау міндетті
