Жарияланды: 540

ҚР ІІМ мектептердегі полиция инспекторларының санын арттыру қажет деген пікірде

Астана. 1 желтоқсан. "Қазақстан бүгін"- ҚР ІІМ Бауыржан Мұхамеджанов мектептердегі полиция инспекторларының санын арттыру қажет деген пікірде. Бұл туралы ол бүгін үкіметте өткен селекторлық жиында айтты, деп хабарлайды агенттік тілшісі.

Оның айтуынша, қазір республикада 1195 мектеп инспекторы жұмыс істейді. Министр Астана мен Алматы қаласының әкімдеріне осы екі қаладағы барлық жалпы білім беретін мекемелерде әкімдердің тікелей қолдауымен мектеп инспекторлары енгізілгендігі үшін ризашылық білдірді. "Соның нәтижесінде мектеп оқушылары жасаған қылмыстар саны Астанада 60%, Алматыда 63,5% азайды", -деді ІІМ басшысы. Мектеп инспекторларын енгізу идеясын облыс әкімдері де қолдап отырғанын айтқан Б.Мұхамеджанов үкімет басшысынан оларға инспекторлардың санын арттыруға рұқсат беруді сұрады. Ақпаратты пайдаланған жағдайда "Казахстан Сегодня" ақпараттық агенттігіне сілтеме жасау міндетті

Пікір қалдырыңыз

Пікір қалдыру тіркелген пайдаланушылар ғана мүмкін