«Министрлік алюминий зауыттарының басым бөлігінде баға деңгейі шығыннан төмен болып отырған қазіргі жағдайда алюминийдің экспорттық кедендік баж салығын алып тастауды сұрайды», — деді В. Школьник.
Оның айтуынша, осы жөніндегі қаулының жобасы мемлекеттік органдарда келісілу үстінде. «Оған шама келгенше тез арада қол қою қажет. Осы құжатты қарап жатқан мекемеден қол қоюды сұраймыз», -деді министр.
Сонымен бірге ҚР Индустрия және сауда министрлігі «компаниялардың өз қаржысы жетіспеген жағдайда «Самұрық -Қазына» ұлттық әл-ауқат қоры тарапынан қаржылай қолдау көрсету қажет» деген пікірде.
Министрлік «ірі өнім өндірушілер тарапынан айтылған жер қойнауын пайдалану шартына, олардың мерзімін ұзартуға, шарт аумағын ұлғайтуға, инвестициялық жобалардың инфрақұрылымын мемлекет тарапынан қамтамасыз етуге қатысты мәселелерді шешуді өтінеді. Бұған қоса министрлік өнім экспорттаушыларға ҚҚС-ын толық қайтаруды, мемлекет тарыпан оларды дер кезінде қайтармау оқиғаларын болдырмауды сұрайды.
«Дағдарыс кезеңінде өнім экспорттаушылар үшін транферттік баға белгілеудің маңызы зор, сол себепті осы заңға қайта оралып, тұрақсыздық дәуірінде мейлңнше салмақты әрі әділетті көзқарас ұстануды сұраймыз»,- деді В.Школьник.
Ақпаратты пайдаланған жағдайда «Казахстан Сегодня» ақпараттық агенттігіне сілтеме жасау міндетті