Кеңесте сонымен бірге темір жол транспорты саласын қайта құрылымдау жөніндегі 2004-2006-жылдарға арналған бағдарламаны жүзеге асыру шараларының жоспарын орындау барысы туралы ҚР көлік және коммуникация министрлігінің ақпараты тыңдалды.
Үкімет басшысының айтуынша, жоспарды жүзеге асыру аясында темір жол саласын жетілдіруге, бұл саладағы нарықтық қатынастар аясын кеңейтуге, бәсекелі ортаны дамытуға, темір жол саласына инвестиция мен кәсіпкерлік бастамалар әкелуге бағытталған ауқымды істер тындырылды.
Атап айтсақ, басты жұмыс мақсатына жатпайтын функцияларды бәсекелі ортаға беру арқылы темір жол саласындағы бірқатар кәсіпорындар қайтадан құрылды. Нәтижесінде 60-тан астам түрлі кәсіпорындар пайда болды. Қала маңында жолаушы тасымалдауды жүзеге асыратын 84 темір жол бекеті жергілікті атқарушы мекемелердің қарамағына берілді. Қазір жолаушы тасымалы саласын дамыту жөніндегі бағдарлама жобасы жасалуда.
Тұтастай алғанда үкімет отырысы барысында жоспарды жүзеге асыру аясындағы шаралар тұжырымдамалық тұрғыда мақұлданды. Үкімет басшысы бағдарлама аясындағы жоспарларды жүзеге асыру қарқынына оң баға берді.
- $ 514.74
- € 599.36
Алматы
- РУС
- ҚАЗ
2025 Жыл
9 Желтоқсан
