ҚР Премьер-Министрі Серік Ахметовтың ресми сайты жұмыс істей бастады

Сайтта Үкімет басшысының қызметі жөнінде толық әрі жедел ақпарат беріледі. Сайттың бөлімдері (тараулары) фото және бейнематериалдар мұрағаттарынан тұрады, сондай-ақ баяндамалар мен сөз сөйлеулер, ресми құжаттардың көшірмелері, мемлекеттік және салалық бағдарламаларды іске асыру барысы, елдің әлеуметтік-экономикалық дамуының негізгі бағыттары қамтылған. Сайтта Премьер-Министр мен Үкімет мүшелерінің өмірбаяндары ұсынылған. Оған қоса интернет-ресурсте Үкімет отырыстары мен басқа да шаралардың онлайн-көрсетілімі ұйымдастырылатын болады. Сайттың ыңғайлы навигациясы қажетті ақпаратты тез арада тауып беруге көмектеседі. ҚР Премьер-Министрдің ресми сайты тәулік бойына жұмыс істейді.