«ШҚО-да Курчатов ауданын құру туралы қызық ұсыныс. Жерлерді шаруашылық айналымға қайтару. Қарастырамыз», — деп К. Мәсімов сәрсенбі күні Twitter-де жазады.
Одан басқа, ШҚО-ға жұмыс сапары барысында премьер-министр Курчатовтағы «Ұлттық ядролық орталық» РМК жұмысымен танысты.
«Курчатов. Мұнда әлем тарихы шешіліп жатты», — делінген К. Мәсімовтың парақшасында.
ҚР Ұлттық ядролық орталығы (ҰЯО) ҚР президенті Н. Назарбаевтың жарлығымен 1992-ші жылы бұрынғы Семей ядролық сынақ полигон базасының әскери-өндірістік кешеннің, сондай-ақ республика территориясында орналасқан тиісті ғылыми мекемелер мен нысандардың базасында құрылды. Ол Қазақстан территориясындағы ядролық сынақ салдарын жоюмен; Қазақстанда атом энергетикасын дамыту үшін кадрлық база мен технологиялық, ғылыми-техникалық базаны дайындаумен; бұрынғы Семей сынақ полигонының әскери-өндірістік кешенін конверсиялаумен, оның ғылыми-техникалық әлеуетін ҚР мүддесінде пайдаланумен; әлемнің жұмыс істеп тұрған полигондарындағы ядролық сынақтарына бақылау жүргізумен айналысады.
