ҚР қаржы нарығын және қаржылық ұйымдарды реттеу мен қадағалау Агенттігінің штат саны 300 адам болып белгіленді

ҚР қаржы нарығын және қаржылық ұйымдарды реттеу мен қадағалау Агенттігінің штат саны 300 адам болып белгіленді. Бұл туралы 2003-жылдың 31-желтоқсанында қол қойылып, бүгін, 9-қаңтарда ресми баспасөзде жарық көрген "ҚР мемлекеттік басқару жүйесін одан әрі жетілдіру туралы " Қазақстан президенті жарлығында айтылған.

ҚР қаржы нарығын және қаржылық ұйымдарды реттеу мен қадағалау Агенттігін жеке отау етіп шығару арқылы ҚР Ұлттық банкін қайтадан құру туралы бұл жарлық 2004-жылдың 1-қаңтарынан бастап күшіне енді.

Бұдан бұрын да хабарлағанымыздай, ҚР қаржы нарығын және қаржылық ұйымдарды реттеу мен қадағалау Агенттігінің басшысы болып бұған дейін ҚР Ұлттық банкі төрағасының орынбасары міндетін атқарған Болат Жәмішев тағайындалды.