ҚР СІМ еліміздегі АҚШ елшісімен кездесуде осы елдің қорғаныс министрі Д.Рамсфельдтің Қазақстанға жасайтын сапарының егжей-тегжейі туралы талқылады

Кеше, 23-ақпанда ҚР сыртқы істер министрі Қасымжомарт Тоқаев еліміздегі АҚШ елшісі Ларри Нэпперді қабылдады. Дипломаттар Америка Құрама Штаттарының қорғаныс министрі Дональд Рамсфельдтің Қазастанға жасайтын ресми сапарының егжей-тегжейін талқылады. Бұл туралы KZ-today тілшісіне ҚР СІМ-нің баспасөз қызметінен хабарлады.

Сапар барысында екі ел өкілдері әскери-саяси мәселелер бойынша өзара пікір алмасады деп күтілуде.

ҚР СІМ мен АҚШ елшісінің кездесуінде екі жақты ықпалдастыққа қатысты өзекті мәселелер де сарапқа салынды.
Кеше сондай-ақ, ҚР СІМ Қасымжомарт Тоқаев ҚХР-ның еліміздегі төтенше және өкілетті елшісі Чжоу Сяопэймен жүздесті. Тараптар Қазақстан мен Қытай арасындағы екі жақты ынтымақтастық мәселелерін талқылап, Елбасы Нұрсұлтан Назарбаевтың алдағы Қытай сапарына қатысты мәселелерді тілге тиек етті.