ҚР СІМ "Орталық Азия-Жапония" форматындағы диалогтың жұмыс бабындағы кездесуіне қатысты

ҚР сыртқы істер министрі Қасымжомарт Тоқаев София қаласында Жапония үкімет басшысының дипломатиялық мәселелер жөніндегі арнаулы көмекшісі Йорико Кавагучи мен Орталық Азия республикалары сыртқы саясат мекемелері өкілдерінің қатысуымен өткен "Орталық Азия-Жапония" форматындағы диалогтың жұмыс бабындағы кездесуіне қатысты. Бұл туралы KZ-today тілшісіне ҚР СІМ-нің баспасөз қызметінен хабарлады.

Қазақстан сыртқы істер министрі жұмыс бабындағы консультациялар өткізу үшін БҰҰ мен Еуропадағы қауіпсіздік және ынтымақтастық жөніндегі ұйымы форматындағы диалогтарды да пайдалануды ұсынды.

Тараптар Украина мен Ауғанстандағы қазіргі ахуал туралы, сондай-ақ, 2004-жылдың тамыз айында Астанада өткен «Орталық Азия-Жапония» форматындағы диалог шеңберіндегі тұңғыш кездесу барысында жасалған уағдаластықтарды жүзеге асыру барысы туралы талқылады.