Байқауды өткізу идеясын ел егемендік алып жатқан жылы мектеп бітірген түлектер айтқан. Олар бітірген мектеп белгілі суретші Бексейіт Түлкиевтің атымен аталады.
«КСРО Суретшілер одағының мүшесі болған 19 дарынды суретші осы ауылдан шыққан. Елдегі ешбір ауыл осындай көп дарынды суретшілеріміз бар деп мақтана алмайды»,- дейді қазылар алқасының мүшесі, Ә.Қастеев атындағы Шымкент сурет колледжінің ұстазы Камал Омаров. Ол сондай-ақ байқуға қатысқан ондаған жұмыстар ауылдың сурет салу дәстүрі әлі тірі екенін аңғартты деп атап өтті. «Көп дарындарды назарға алып, колледжге оқуға түсуге шақырдық. Олардың таланттарын шыңдайтын боламыз», — деді К.Омаров.
