ҚР төтенше жағдайлар жөніндегі Агенттігінің төрағасы инспекциялық тексерумен Қарағанды облысына келді

Бүгін, 23-маусымда ҚР төтенше жағдайлар жөніндегі Агенттігінің төрағасы Нұрахмет Бижанов инспекциялық тексерумен Қарағанды облысына келді. Бұл туралы KZ-today тілшісіне ҚР төтенше жағдайлар жөніндегі Агенттігінің облыстық басқармасынан хабарлады.

Бүгін таңертең Н.Бижанов «ВАСС-көмір» әскерилендірілген апаттан құтқару қызметінде, сондай-ақ, «Испат-Кармет» ААҚ көмір департаментінің Костенко атындағы шахтасында болды. Бұл шахтада осыдан екі апта бұрын көмір қабаты тұтану салдарынан жер асты өрті шыққан болатын.

Сондай-ақ, агенттік төрағасы азаматтық қорғаныс полкіне қарасты 52-859 әскери бөлімшесінің жағдайымен танысады. Сондай-ақ, ол «Испат-Кармет» ААҚ мен Теміртауда болады.