ҚР үкімет басшысы энергетика және минералды ресурстар министрлігі қайтадан құрылып, мұнай және газ өнеркәсібі министрлігі пайда болады деген қауесетті жоққа шығарды

«Әзірге ҚР энергетика және минералды ресурстар министрлігінің құрылымын өзгертуге қажеттілік туындай қойған жоқ»,- деп мәлімдеді үкімет басшысы.

«Өз басым, мемлекеттік құрылымдар төрт аяғын тең басып, орнығуы тиіс деген консервативтік көзқарасты қолдаймын»,- деді премьер-министр.
Дейтұрғанмен, Д.Ахметов «мұнай өндіру көлемі артып, мұнай өңдеу саласы дамыған кезеңде дербес мұнай және газ министрлігін құру қажеттілігі туындауы ықтималдығын» жоққа шығармайды.