ҚР Үкіметі 2013-2015 жылдарға арналған республикалық бюджет туралы қаулы жобасын қабылдады

«Бюджетті даярлау бойынша ауқымды атқарылған жұмыстар үшін барлық Үкімет мүшелеріне алғысымды айтамын. Мемлекет басшысы «2013-2015 жылдарға арналған республикалық бюджет туралы» Заңға қол қойды. Бүгін біз енді оны жүзеге асыру бойынша Қаулы жобасын қабылдадық. Енді үлкен жұмыстар басталады»,-деді Үкімет басшысы. Осы орайда Серік Ахметов Үкімет басшысының Кеңсесі мен Қаржы министрлігіне тиісті пысықтау жұмыстарын жүргізіп, Қаулыны қол қоюға дарялауды тапсырды. Бұдан бөлек, Премьер-Министр биылғы жылдың аяқталуына дейін бағдарламалар әкімшілері мен мемлекеттік органдардың басшыларына, әкімдерге 2012 жылғы бюджет қаржысын уақытылы игеруі тұрғысында тиісті шараларды қабылдауды жүктеді.