ҚР үкіметі жекелеген жол бөліктеріндегі ең жоғары жылдамдық шегін сағатына 120 шақырымға дейін арттырды

Қаулыға сәйкес, тиісті белгі қойылған жерлерде ғана, сондай-ақ, «үлкен жылдамдықпен жүруге жол жағдайы мүмкіндік берсе» ғана жылдамдықты сағатына 110 және 120 шақырымға дейін үдетуге рұқсат беріледі.

ҚР ІІМ-нің жол полициясы департаментінің бастығы Өмірзақ Түсімовтың бұған дейін де хабарлағанындай, «еліміздегі күрделі жөндеуден өткен жолдар сапасы жол қауіпсіздігі мен жүргізушілер денсаулығына нұқсан келтірмей-ақ, тәртіпке осындай өзгерістер енгізуге мүмкіндік береді». «Теп-тегіс жөнделген мидай жазық жолдарда аз жылдамдықпен мимырттап жүру тіпті қисынға келмейді дегенді әркім түсініп отыр»,- деді Ө.Түсімов.
Бұған дейін еліміз жолдарындағы шектеулі ең жоғары жылдамдық сағатына 90 шақырымға тең болатын. Үкімет қаулысы бүгіннен бастап күшіне енеді.