Ал Астана қалалық әкімшілігінің өкілдері KZ-today тілшісіне әкімшілік пен «Бен Ладен групп» ЖШС арасында компанияға басқа жер учаскелерін беру туралы алдын-ала келісім жасалғанын хабарлады.
Бұдан бұрын да хабарлағанымыздай, 2000-жылы қаланың әкімшілік кеңесі «Бен Ладен групп» ЖШС-іне тұрғын үй және сауда кешендерін, әлеуметтік инфрақұрылым нысандарын салу үшін Есілдің сол жақ жағалауынан 8 жер учаскесін берген. Алайда, кәсіпорын өзіне жүктелген міндеттемелерді орындаған жоқ. Осыған байланысты Астана қалалық әкімшілігі аталған жер учаскелерін басқа құрылыс компанияларына беруге шешім қабылдады. Ал 2004-жылы «Бен Ладен групп» ЖШС учаскелердің қазіргі қожайындарынан құрылыс жұмыстарын тоқтатуды талап етіп Астана қалалық сотына шағым түсірген. Алайда, сот бұл талапты қанағаттандырмады.
2004-жылдың 24-қарашасында Астана қалалық прокуроры қалалық сотқа бұрындары «Бен Ладен групп» ЖШС-іне жеке меншікке берілген жер учаскелерін тұтқындау туралы өтініш жолдады. 26-қарашада сот жер учаскелерін тұтқындауға шешім шығарды. Соңынан Астана қалалық прокуратурасы Сауд Арабиясының «Бен Ладен групп» ЖШС -іне жер учаскелерін меншіктену құқығын беру туралы Астана қаласы әкімшілік кеңесінің шешімін заңсыз деп тану туралы шағым түсірді.
- $ 498.34
- € 519.72
Алматы
- РУС
- ҚАЗ
2024 Жыл
23 Қараша
