Құлдықтан босап шыққан әкесін қызы КТК телеарнасы арқылы тауып алды

Шығыс Қазақстанда екі жыл бойы құлдықта болып, қара жұмысқа жегілген азамат өз туыстарымен қауышты! Олардың босатылғанын біздің арнамыздағы жаңалықтардан көріп, өскемендік Любовь Якасова жоғалған әкесін таныпты.

Константин Якасов 2 жыл бұрын із-түссіз кеткен. Өткен жұма күні арнамыздағы «Жаңалықтар» шығарылымын қарап отырған қызы өз көзіне өзі сенбепті. Бірден КТК-ның сайтын ашып, Шығыс Қазақстан облысында құлдықтан азат етілгендер туралы материалды қайта қарап шыққан. Сөйтіп, әкесін таныған Любовь арнамызға қоңырау шалды.

Любовь Якасова, Өскемен қаласының тұрғыны:

- КТК телеарнасынан көрген кезде көңілім алып-ұшты. Бұл менің әкем ғой дедім. Осы кездесуді ұйымдастырған сіздерге алғысым шексіз.