Құны Т2,1 млрд тұратын «АстанаЭкоСтандарт» кешені Астанада IV тоқсанда жұмысын бастайды

«Жылыжай кешенінің жалпы ауданы – 3 га. Жоба қуаты жылына 1050 тонна қияр және 900 тонна қызанақ жинауға арналған. Жобаның жалпы құны 2126,2 млн тұрады. 53 тұрақты жұмыс орны ашылады. Кешен құрылысына Израильде шығарылған жабдықтар пайдаланылады», — делінген ҚР премьер-министрінің сайтында бейсенбі күні жарияланған хабарда.

Хабарда айтылғандай, кешенді Т1,5 млрд көлемде «ҚазАгро» ҰБХ» АҚ қаржыландырады. Одан басқа, Ө. Шүкеев мал басын көбейтетін мал шаруашылығы кешен құрылысында болды. Оны «ҚазАгро» компаниясының еншілесі – «Қазагромаркетинг» АҚ құрған.

«Орталық мамандары асыл тұқымды ірі қара мал басын көбейтуде көптеген шетелдерде пайдаланылатын қолдан ұрықтандыру тәсілін қолдану барысы туралы айтап берді», — делінген хабарда.