СІМ-нің айтуынша, Қазақстан — Қ.Бакиев президент болып сайланғаннан бері ресми сапармен барғалы отырған осымен үшінші ел.
“Қырғызстан президенті бірінші мемлекеттік сапармен Ресейге, сосын Қытайға барды, енді міне, үшінші ел –Қазақстанға барғалы отыр”,- деді А.Жексенқұлов.
Қазақстан және Қырғызстан мемлекет басшылары экономикалық ынтымақтастық, еңбек көші-қоны және энергетикалық ресурстарды бірлесіп игеру мәселелерін талқылайды.
Қазақстан мен Қырғызстан арасындағы тауар айналымы 2005-жылы 344 млн. долларды құрап, 2004-жылғымен салыстырғанда өсім 8,4 процент болды.
