Қырғызстан президентінің міндетін атқарушы жұмыс сапарымен Қазақстанға келді

Қырғызстан президентінің міндетін атқарушы Құрманбек Бакиев 22-сәуір күні түстен кейін жұмыс сапарымен Қазақстанға ұшып шықты. Бұл туралы Бішкектегі KZ-today тілшісіне Қырғызстан мемлекет басшысының баспасөз қызметінен хабарлады.

Баспасөз қызметінің хабарлауынша, Қ.Бакиев Қазақстан президенті Нұрсұлтан Назарбаевпен жүздесуді жоспарлап отыр. Келіссөздер «1+2» форматымен өтіп, президентпен кездесуге Қ.Бакиевпен бірге республика вице-премьерінің міндетін атқарушы Данияр Үсенов те қатысады, деді баспасөз қызметіндегілер.

Кездесу барысында түрлі бағыттағы екі жақты ынтымақтастық мәселелері талқыланады деп күтілуде.