«Кездесу қорытындысы бойынша жақын уақытта Қырғыз Республикасында капиталы $100 млн болатын қырғыз-қазақ инвестициялық қорын құру туралы шешім қабылданды. Қордың кеңсесі Бішкекте орналасады. 10 күннің ішінде қазақ жағы инвестициялық қор құру мәселелерін мұқият пысықтау үшін өз мамандарын жібереді», — делінген Қырғызстан үкіметінің баспасөз қызметі бейсенбі күні таратқан ақпаратта.
Бұл қор Қырғызстанның энергетика, телекоммуникациялар, көлік инфрақұрылымын дамыту, өңдеуші өнеркәсіп, туризм салаларындағы бизнес-жобаларын қаржыландырады.