Қырғызстанда "түсті төңкерістерге" ешбір алғышарт жоқ - Қырғызстан СІМ

Қазір Қырғызстанда "қандай түсті болмасын төңкерістің белең алуына ешбір алғышарт қалыптасып отырған жоқ". Бұл туралы бүгін, 25-ақпанда Шанхай Ынтымақтастығы ұйымы сыртқы істер министрлері кеңесінің отырысы аяқталғаннан кейін өткізілген брифинг барысында Қырғызстан сыртқы істер министрі Асқар Айтматов мәлімдеді,- деп хабарлайды KZ-today тілшісі.

«Қазір республикада жағдай тұрақты, парламент сайлауына дайындықтар жүргізіліп жатыр, әрине, мұндай оқиғалардың дәл қарсаңында қоғамның қызуы әжептәуір көтерілетінін заңдылық»,- деді А.Айтматов.

Ол сайлау заң шеңберінде өткізілетініне сенім білдірді. «Өйткені, қызғылт сары төңкеріске алғышарт қалыптасқан жоқ».