Телеарнаның хабарлауынша, бұл қызметке жақында ғана тағайындалған Чэн Гопинді кеше «Нұр Отан» партиясы төрағасының бірінші орынбасары Дархан Қалетаев қабылдады. Елші Кытай Компартиясы «Нұр Отанның» жұмыс тәжірибесіне үлкен қызығушылық білдіріп отырғанын айтты. Және еліміздің саяси ұйымы өкілдерін Қытайға келіп тәжірибе алмасуға шақырды. «Осы күні Қазақстан Орталық Азия аумағындағы қарқынды дамып келе жатқан мемлекет»,- деді елші мырза. Ал, «Нұр Отан» партиясы осы елдің ең белсенді саяси күші» деп атап өтті Чэн Гопин.
ҚХР Қазақстандағы төтенше және өкілетті елшісі Чэн Гопиннің пікірінше, «Біздің партия әрі үкіметтің есептеуінше, «Нұр Отан» халықтық демократиялық партиясы — елбасы Нұрсұлтан Назарбаевтың басшылығымен Қазақстанның тұрақты дамуын қамтамасыз ететін саяси ұйым. Оның үлкен болашағы бар».
Ақпаратты пайдаланған жағдайда «Казахстан Сегодня» ақпараттық агенттігіне сілтеме жасау міндетті