Қытайда су тасқынынан 170-тен астам адам із-түзсіз жоғалған
|
Су тасқынына байланысты Янузы өзені жағалауындағы аудандарда соңғы екі апта ішінде 170-тен астам адам із-түссіз жоғалған. Олар қаза тапқан болуы да мүмкін, деп жұма күні британдық «Гардиан» басылымының интернеттегі сайты хабарлады. |
Синоптиктер су тасқынына әкеп соқтырған толассыз жауын-шашынның әзірге тоқтай қоймайтынын ескертіп отыр. Жұма күні жергілікті билік орындары тасқын мен лай көшкіні Қытайдың оңтүстігіндегі темір жол желісін қиратып кеткенін хабарлады. Салдарынан төрт пойыздың 5 мың жолаушысы жолда қалған.
«Чайна дейли» басылымының хабарлауынша, билік тасқынға байланысты жеті провинцияның 555 мың тұрғынын қауіпсіз жерге көшіруге мәжбүр болған көрінеді.
Пікір қалдырыңыз
Пікір қалдыру тіркелген пайдаланушылар ғана мүмкін