Shanghaiist.com сайтының хабарлауынша, жөндеу жұмыстары 13 қарашада жергілікті уақытпен 23:00-да басталған болатын, 43 сағаттан кейін толық қайта жасалып, сырланған көпір автомобильдер қозғалысы үшін ашылып үлгерілді.
Көпірдің бетін жабу үшін 1300 тонналық құрастырма қажет болды, ол дайын күйінде жеткізілді. Мердігер өкілінің хабарлауынша, оған жаңа «интегративтік ауыстыру» технологиясы пайдаланылды.
Жергілікті билік экспериментті құптады, өйткені әдеттегі әдіспен жаңғыртқан жағдайда бұған кемінде екі ай қажет болар еді. Алайда бұл Бейжіңнің солтүстік-шығысындағы 3 сақина жолын жалғастыратын, әуежайға және 101-ші күрежолға шығатын жүрдек магистральді ұзақ уақыт жауып қоюға болмайтын еді.
Еске сала кетейік, Бейжіңде сондай-ақ биік үйлерді де шапшаң салу игерілді. Мәселен, биылғы жылы 57 қабатты зәулім үй 2,5 апта ішінде салынған, деп хабарлады newsru.com.
