Қытайдың Даму банкі Бейнеу-Шымкент газ құбырының құрылысына 1,8 млрд доллар бөледі

Қытайдың Даму банкі Бейнеу-Шымкент магистралды газ құбырының құрылысына 1,8 млрд доллар бөледі, деп хабарлады ҚазТрансГаздың баспасөз қызметінен.

Компаниядан "Интерфакс-Қазақстанға" нақтылап бергендей, қарыз алушы "Бейнеу - Шымкент газ құбыры" ЖШС ( оған бірдей негізде ҚазТрансГаз және CNPC еншілесі - TopLine ие). Қаржы 15 жыл мерзімге берілмек. Қаржыны тарту туралы келісімге Гонконгте 11 желтоқсан күні қол қойылды.