Алматы-Көкпек-Көктал тас жолында төрт адамның өліміне себеп болған жантүршігерлік жол апатының мән-жайы анықталды деп хабарлайды Informburo.kz. Қаза тапқандардың таныстарының айтуынша, 4 жігіт ВАЗ-2114-пен келісім бойынша қыз алып қашып келе жатқан екен. Түн ортасында оның жүргізушісі алдындағы машинаны басып озамын деп, үлкен жүк көлігіне соқтығысады.
ВАЗ-дың жүргізушісін қосқанда, 30-35 жастағы 4 жігіт оқиға орнында тіл тарпай кеткен. Ал 20 жасар қыз аса ауыр жағдайда аурухананың жан сақтау бөліміне түсті. Қазір дәрігерлер оны аман алып қалуға барынша тырысып жатыр.
Ал жеңіл көлік түкке жарамсыз болып мыжылып қалған.
