8 наурыз, әйелдер мерекесінде нәзік жандылардың көңілінен шығу бәлендей қиын емес екен. Әйелдер өз мерекесінде шын көңілден сыйлаған гүлге де риза. Ресейлік әйелдердің 41%-ы гүл сыйласа деп армандаса, 23% бір шоқ гүлді ең жақсы мерекелік тарту деп санайды, деп хабарлайды "Интерфакске" "Ромир" әлеуметтік зерттеу холдингі. Сауалнамаға 1000 респондент қатысқан (оның ішінде 485-і еркектер мен 515 әйелдер). Ал басқа да көңілден шығатын "мықты" сыйлықтар туралы айтсақ, олар: 36% қыз-келіншектер 8-наурызға әшекей бұйымдарды (21% жауап бергендер бұл сыйлықты "қатты әсер беретін сыйлық" деп атады), 27% — косметиканы (8% әйелдер "керемет сыйлық" деп атады). Тағы 22% сауалнамаға қатысқан нәзік жандылар ақшалай сыйлықты қанағат тұтатынын жасырмады (3% бұндай "сыйға" риза болады екен). 18% ресейлік қыз-келіншектер мейрамға тұрмыстық техника немесе электронды құрылғы/мобильді телефондар, 16% — киім-кешек (аяқ киім, аксессуарлар), 12% — іш киім, 11% — кәмпит/шоколад, 9% — ыдыс-аяқ (ас үйге қажетті бұйымдар). Ал мейрамға ойыншық сыйласа дегендердің саны небәрі 4%, спорттық құрал (4%) немесе үй жануары (3%) құрады. Әлеуметтік зерттеу жүргізгендердің айтуынша, 8% ресейлік әйелдер әсерлі романтикалық сезімге бөлену — сыйлықпен тең деп санаса, 4% — саяхатты, әсіресе сүйікті адамымен бірге болғанды қалайды екен. Ал 8-наурыз сыйлықтары туралы ер адамдардың жауаптарын салыстырып қарасақ, бұл жерде бірінші орында гүл шоғы тұр (51%). Сосын косметика (36%), кәмпит/шоколад (31%), әшекейлер (16%), ыдыс-аяқ (ас үйге қажетті бұйымдар) (12%), ақша мен ойыншықтар (9%-дан), іш киім немесе киім-кешек (аяқ киім, аксессуарлар (7%-дан), электронды құрылғылар/мобильді телефондар немесе тұрмысқа қажетті бұйымдар (5%-дан). Тек 1%-ы ғана сүйіктісіне спорттық құрал-жабдық немесе үй жануарын сыйлағысы келеді. Ал өмірінде 8 наурызда алған ең татымсыз, сәтсіз, түкке тұрмайтын сыйлықтар жөнінде айтар болсақ, 30% "бағымызға орай, ондай сыйлық алып көрмедік" деп жауап берген. Алайда қалған қыз-келіншектерен 8-наурыздың ең оғаш сыйлықтарды атауды өтінгенде: әйелдердің көпшілігі (6%) ас үйге қажетті бұйымдар немесе кеңсе күнтізбесі, кеңсе тауарлары көңілдеріне келетінін жасырмады 5%). Сондай-ақ 5% сауалнамаға қатысушылар кептірілген гүлдерді, мимоза, қалампыр иісті гүлді оғаш және қисынсыз сыйлық деп тапса, ең күлкілісі — тікенек гүлді (кактус), 3%-ы ашық хатты (открытка) тіпті қолдан жасалған болса да жақтырмайды екен. 8-наурыз сыйлықтарының антирейтингі тізімін капрон шұлық жапты. Ал енді "Левада Центра" жүргізген сауалнамаға сенсек, (1600 қатысушы) әйелдер мен ер-азаматтардың талаптары тіпті сәйкес келмеген. Гүлді 40% қаласа, 15%-ы әтір, кометика, ақшалай сыйлық пен әшекейлер қалайды екен. Еркектерге келсек, олардың ойлағандары мүлдем бөлек боп шықты. Дегенмен сыйлықтар тізімінде бірінші орында гүл (50%), екінші орында тәтті тағамдар (20%), және тек 16%-ы ғана сүйіктілеріне әтір мен косметика сыйлау жоспарында бар. "Ақшалай сыйлық" жасауды әр оныншы еркек (11%), және тек 9% ресейліктер әшекейлер мен қымбат асыл тасты бұйымдарды құп көреді. Ал тағы бір Superjob.ru порталы жүргізген сауалнамаға сүйенсек, 8-наурыз — Халықаралық әйелдер күніне өз әріптестеріне сыйлық жасауға 50% еркектер ғана дайын. 22% жұмыс істейтін азаматтар салтанатты шараға дайындалса, 21%-ы қыз-келіншектерге қызмет орнында дастарқан жаюға құштарлығын танытты. "Мерекелік газет шығарғандай бір шара ұйымдастырсақ, сол жерде әрқайсысына құттықтау айтамыз"; "Өзіміз дастарқан жайып, тағам әзірлеп, торт қоямыз"; "Және де әйелдерді құттықтаудан кейін үйлеріне қайтарсақ", — деп жауап берді, сауалнамаға қатысқан еркектер. Сондай-ақ 6% ер-азаматтар компанияда корпоративтік кеш ұйымдастырады екен. Ал 9% еркектер әйел-әріптестерін құттықтауға қарсы. "бізде әйелдер істемейді"; "Болмайды — үш жыл бойы 23 ақпанда бізді ешкім құттықтаған емес…" — деп жауап берген. Дайындаған: Заира Сабитова
