Жарияланды: 510

Қызылорда кеденінің бастығы тағайындалды

Қазақстан Республикасы Қаржы министрлігі Кедендік бақылау комитетінің №Л-261 бұйрығымен Оңтүстік Қазақстан және Қызылорда облыстары бойынша Кедендік бақылау департаменті бастығының орынбасары және «Қызылорда» кеденінің бастығы болып Қайрат Балабиев тағайындалды.

Үстіміздегі жылдың 29 сәуірінде Қазақстан Республикасы Үкіметінің №461 «Қазақстан Республикасының Қаржы министрлігінің мәселелері туралы» қаулысы қабылданған болатын. Осы қаулы негізінде Оңтүстік Қазақстан және Қызылорда облыстары бойынша Кедендік бақылау департаменті құрылды, яғни екі облыстың бұрынғы дербес департаменттері біріктірілді. Жаңа лауазымға тағайындалып отырған Балабиев Қайрат Рахымұлы 1965 жылы туған, жоғары білімді заңгер және қаржыгер, Заң ғылымдарының докторы. Қарағанды мемлекеттік университетін бітірген 1990 жылдан бастап, 2007 жылға дейін жоғары қадағалау органы - прокуратура саласының қызметкері. Шымкент қаласының прокуроры, Оңтүстік Қазақстан және Жамбыл облыстық прокурорының орынбасары лауазымдарында қызмет атқарған. 2007 жылдан бастап Қазақ мемлекеттік заң университеті ғылыми-зерттеу институтының директоры. Қайрат Балабиев бүгін «Қызылорда» кеденінің бастығы қызметіне кірісті.

Пікір қалдырыңыз

Пікір қалдыру тіркелген пайдаланушылар ғана мүмкін