Онда прокуратура қызметкерлері икемді топтың басым бағыттары мен «Бизнес тірегі» жобасы туралы қажетті ақпараттар берді. Бұл тақырыптар бойынша облыстық прокуратураның басқарма бастығы Жамаладин Өтеев, облыс бойынша құқықтық статистика және арнайы есепке алу басқармасының бөлім бастығы Әмірхан Ердалиев, «Атамекен» одағы Қазақстан ұлттық экономикалық палатасы облыстық филиалының директоры Алмас Тұртаев хабарлама жасап, мән-жайды түсіндірді.
Үстіміздегі жылдың басынан бері облыс прокуратура органдары жүргізген тексерулер нәтижесінде бұл салада 48 заң бұзушылық анықталған. Осыған байланысты бұл кемшіліктерді жою жөнінде 7 ұсыныс, 6 наразылық келтіріліп, кәсіпкердің мүддесіне қайшы 7 акті жойылған. Бұдан бөлек, 8 тұлға тәртіптік және 2 тұлға әкімшілік жауапкершілікке тартылып, 113 кәсіпкердің құқықтары қорғалды.
