Қызылорда облысында бір ауылдық мектеп өртеніп кетті

Қызылорда облысы Арал ауданы Райым кентінде көмір жағатын пештің ақауы салдарынан өрт шықты. Зардап шеккендер мен құрбан болғандар жоқ. Бұл туралы KZ-today тілшісіне ҚР төтенше жағдайлар жөніндегі министрлігінің баспасөз қызметінен хабарлады.

Министрліктің түсініктемесіне сәйкес, жартылай орта мектептің қамыстан салынған ғимараты толық өртеніп кетті. Өрт ҚР төтенше жағдайлар жөніндегі министрлігінің мемлекеттік өртке қарсы күрес қызметінің күшімен 3 сағатта сөндірілді. Материалдық шығын көлемі есептелуде.