Қызылорда облысында үздік кәсіпкерлердің есімдері белгілі болды

Конкурста «2012 жылы Қызылорда облысында шағын және орта кәсіпкерлікті дамыту саласындағы жетістігі үшін» тақырыбы бойынша ұйымдастырылған шара барысында әртүрлі номинациялар жеңімпаздары анықталды. Атап айтқанда, «Өнім өндіру және өңдеу саласындағы үздік кәсіпкер» номинациясын арнайы киімдер тігетін «Ас-Ка» ЖШС иеленсе, «Қызмет көрсету саласындағы үздік кәсіпкер» номинациясы бойынша мұнай және газ тасымалдау қызметін ұсынатын «Фрак Джет» ЖШС жеңіп шықты. Ал тігін бұйымдарымен айналысатын «Сұлтан-Сүйрік» ЖШС халықтық қолөнер саласындағы үздік кәсіпкер атанды. Сондай-ақ «Қаржылық және кеңес беру қызметін көрсететін үздік кәсіпорын» аталымы сыйлығы «Қазақстан Халық банкі» АҚ Қызылорда филиалына берілді.