Біз осының алдында қыздар мен ұлдар арасындағы 5 салмақ дәрежелері бойынша чемпион атанғандарды атап өткенбіз. Бүгін тағы бірнеше салмақ бойынша жеңімпаздардың есімдері белгілі болды. Атап айтқанда, қыздар арасында ақтөбелік Балмекен Амангелді (44 кг), қарағандылық Анна Старченко (48 кг), қызылордалық Жансая Мұрат (52 кг), ұлдар арасында шығысқазақстандық Ерлан Серікжанов (55 кг), астаналық Рамазан Тәуба (60 кг) және қызылордалық Руслан Үсенбекұлы (66 кг) алтыннан алқа тақты. Енді қыздар арасында бір, ұлдар арасында екі салмақ дәрежелері бойынша ғана чемпиондар анықталады.
Бүгін түске дейін біріншілік мәреге жетеді. Оның қорытындысы бойынша биылғы тамыз айында Киевте өтетін әлем чемпионатына қатысатын Қазақстан құрама командасының құрамы жасақталады.
