Байқауға еліміздің барлық облыстары және Астана мен Алматы қалаларынан облыстық, қалалық деңгейде өткізілген байқаулардың 15 жеңімпазы қатысып, өз білімдерін ортаға салады.
Олимпиаданың міндетті шарты — алдыңғы деңгейден (кезеңнен) өткен қатысушы ғана келесі деңгейге қатыса алады.
Олимпиаданың республикалық туры келесі аталымдар бойынша өткізіледі:
— Берілген тақырыпқа сай «тұсаукесер» (презентация), тақырып бойынша эссе жазу, мәтінге ілеспе аударма жасау.
Олимпиадаға қатысушылар үш кезеңнен өтуге тиіс:
Бірінші кезең — қазақ тілін білу;
Екінші кезең — ағылшын тілін білу;
Үшінші кезең — орыс тілін білу.
Талапкерлердің өнерін қазылар алқасы бағалайды.
Шараның негізгі мақсаты: үш тілді — қазақ, орыс және ағылшын тілдерін жетік меңгерген қабілетті жастарды анықтау және қолдау, тілдік қарым-қатынас мәдениетін қалыптастырып, көп тілді меңгерген таланттарды тәрбиелеу, қазақстандық патриотизмді нығайту, өзге халықтардың мәдениеті мен тілін құрметтеу.
Байқау жеңімпаздары дипломдармен, алғысхаттармен және ақшалай сыйлықтармен марапатталады.