Шараға облыстағы этно-мәдени орталықтардың жетекшілері, кент ардагерлері мен мекеме, ұжым қызметкерлері, мектеп мұғалімдері қатысты.
Ұлттар достығы тақырыбына арналған фестивальді облыстық ішкі саясат басқармасының бастығы Руслан Рүстемов ашты.
— Елбасының сара саясатының арқасында дүниеге келген Қазақстан халқы Ассамблеясының атқарып жатқан игі істері басқа мемлекеттерге үлгі болуда, — деді ол.- Аймақтағы ұлттық мәдени орталықтар облыс өміріне белсене араласады. Бүгінгі достық мерекесі де жүзі басқа жүрегі бір, тілі басқа тілегі бір ұлттар арасындағы татулықты айғақтайды.
Жиында Қазақстан халқы облыстық Ассамблеясы хатшылығының меңгерушісі Асылбек Жұмабаев, Тасбөгет кенті ардагерлер кеңесінің төрағасы Жұмабек Тәжімов, түрік мәдени-ұлттық орталығының төрайымы Гүлшін Гейдарова сындарлы уақыт тезінен өтіп, шыңдалған достықтың ұзақ жасайтынын тілге тиек етті.
Достық фестивалінің соңы этно-мәдени орталықтар мен жергілікті өнерпаздардың концертіне жалғасты.
