Ресей Байқоңыр ғарыш айлағынан жасалатын ұшырылымдарды одан әрі жалғастырады - РФ қорғаныс министрі

Бүгін, 30-қазанда Солтүстік Атлантикалық Альянстың бас хатшысы Джордж Робертсонмен кездесу барысында РФ қорғаныс министрі Сергей Иванов Ресей Байқоңыр ғарыш айлағын пайдаланудан тек алыс болашақта ғана бас тартуы мүмкін, соның өзінде ол тек әскери ғарышққа ғана қатысты болады деп хабарлады. Бұл туралы Ресейдің "Новости" ақпараттық агенттігі таратқан хабарламада айтылған.

С.Ивановтың хабарлауынша, таяудағы 3-4 жыл емес, шалғай перспективада әскери мақсаттағы ұшырылымдардың негізгі бөлігі Плесецк ғарыш айлағына көшірілуі мүмкіндігін жоққа шығармайды. Оның пікірінше, Ресей алдағы бірнеше он жылда Байқоңырдан пилоты ғарыш кемелерін ұшырудан бас тартпайды.

Бұдан бұрын да хабарлағанымыздай, Плесецк ғарыш айлағына жасаған сапары барысында журналистерге берген сұхбатында Ресей қорғаныс министрі Сергей Иванов өз елінің болашақта Байқоңыр ғарыш айлағын пайдаланудан бас тарту мүмкіндігін мәлімдеген болатын. Ол «болашақта мен мұндай мүмкіндікті жоққа шығармаймын»деп атап көрсеткен. С.Ивановтың айтуынша, «біз бұл жерде құр босқа жылқы қуалап жүрген жоқпыз, бірақ Ресейдің ғарыш кеңістігіне шығатын тәуелсіз айлағы болуы тиіс».
С.Ивановтың айтуына қарағанда, Ресейдің бас әскери қолбасшысы Плесецк айлағын ғарыш кеңістігіне тәуелсіз жол тарту мақсатын шешуге мүмкіндік беретін негізгі нысан ретінде тіпті 2001-жылы атап көрсеткен.