Ресейдің әскери Жоғары оқу орындарына Қазақстандық 254 курсант түсті

2000-жылы қол қойылған "Ресей қорғаныс министрлігінің әскери жоғары оқу орындарына Қазақстандық әскерилерді қабылдау туралы" келісім шартына сәйкес Қазақстандық 254 курсант Ресейдің әскери Жоғары оқу орындарына түсті. Бұл туралы KZ-today тілшісіне ҚР қорғаныс министрлігінің баспасөз қызметінен 18-тамызда хабарлады.

ҚР және РФ қорғаныс министрліктері өкілдерінің 2003-жылғы 16-тамызда қол қойған қосымшасына сәйкес қазақстандық курсанттардың барлығы да Ресейдің әскери оқу орындарына квота негізінде қабылданды.

ҚР Қарулы күштерінің әскерилері Ресейде тегін білім игереді. ҚР қорғаныс министрлігі тек көлік құны, медициналық сақтандыру, азық-түлік, киім-кешек және тұрғын үй қамтамасыздығы тәрізді шығындарды көтереді.