Ел астанасы – Джубадағы әуежайдан көкке көтерілген Ан-12 жүк тасымалдаушы ұшағы көп ұзамай балықшылар ауылына құлаған. Соңғы мәлімет бойынша, әуе кемесінің бортында 17 адам болыпты. Бесеуі Ресей экипажының мүшелері. Ұшақта болған 2 адам аман қалған. Олардың біреуі кішкентай бала екен. Ал қаза тапқандардың көбі әуе кемесі құлаған жердің тұрғындары. Қазір апаттың себеп-салдары анықталып жатыр. Естеріңізге салсақ, 5 күн бұрын ғана Мысырдың Синай түбегінде де Ресейге тиесілі ұшақ апатқа ұшыраған еді. Ол кезде әуе кемесінде болған 224 адам түгел көз жұмды.
Loading...