Бұл туралы Ресейлік Gazeta.ru басылымы хабарлайды.
Белсендіні ұстау видеосы YouTube-та пайда болды.
Readovka өзінің Telegram-каналында жазғандай, ұстау кезінде Ахметов қазақ тілінде сөйлескеннен кейін телефонын жолдасына беріп, полиция машинасына отырды, "қорқып орысша сөйлей бастады".
"Алдын ала ақпаратқа сәйкес, блогерге қатысты әлеуметтік, ұлттық, нәсілдік, тектік-топтық немесе діни алауыздықты қоздыру туралы бап бойынша қылмыстық іс қозғалды. Ахметов өзі қатаң түрде Қазақстан заңнамасы аясында әрекет етті деп есептейді", — деп жазады gazeta.ru.
Қазіргі уақытта қазақстандық ақпарат көздері мен БАҚ мұндай ақпаратты хабарлап жатқан жоқ. Бұл туралы бір күн бұрын тек ресейлік басылымдар хабарлады.
Қуат Ахметов Қазақстандағы "Тілдік рейдтер" ұйымдастырушысы болып табылады. Бұл тақырып әлеуметтік желілерде, БАҚ пен сарапшылар қауымдастығында, әсіресе Ресейде бірқатар қызу пікірталастар тудырды.