Жалын бір жарым сағаттан кейін сөндірілді.
Тілсіз жауды ауыздықтауға ҚР ТЖМ Шығыс Қазақстан облысы бойынша ТЖД өртке қарсы қызметінің 4 адамы мен 1 техникасы жұмылдырылды. Жалын шарпыған аумақ үш шаршы метрді құрады. Өрт орнында ер адамның мүрделері табылды.
Сондай-ақ Ақмола облысының Жақсы ауылында сағат 13.20-да тағы бір жекеменшік тұрғын үй жалынға орана бастады. Өрт ҚР ТЖМ Ақмола облысы бойынша ТЖД өртке қарсы қызметінің 3 адамы мен 1 техникасының күшімен жарты сағатта ауыздықталды. Тілсіз жау үш шаршы метрге тарады. Құтқарушылар оқиға орнында 45 және 48 жастардағы екі ер адамның мәйіттерін тапты.
19 желтоқсан сағат 23.12-де Батыс Қазақстан облысының Рубежинское кентіндегі жер үйде ірі өрт болды. Ол келесі күні сағат 07.42-де сөндірілді. Тілсіз жауды ауыздықтауға ҚР ТЖМ Батыс Қазақстан облысы бойынша ТЖД өртке қарсы қызметінің 6 адамы мен 2 техникасы жұмылдырылды. 78 шаршы метр аумаққа тараған өрт орнында 62 және 36 жастардағы екі ер адамның денелері табылды.