«Қазір елімізде экономиканың қызыну белгілері мен инфляцияның арта түсу ағымы айқын байқалып отыр»,- деді Д.Ахметов. Үкімет басшысының мәлімдеуінше, осыған байланысты «Қазақстан экономикасының қызынуына әсер етуі мүмкін себептер мен индикаторларға талдау жасайтын жұмыс тобын құру қажет».
«Жұмыс тобы экономиканың қызыну құбылысын еңсеру шараларының кешенін анықтауға тиіс. Бұл топ ай сайын үкіметтің отырысында есеп беру арқылы жүйелі жұмысты жолға қоюға тиіс»,- деді Д.Ахметов.
Осыған байланысты ол экономика және бюджетті жоспарлау министрлігіне жұмыс тобының құрамын бір аптада айқындауға тапсырма берді.
