Республика үкімет басшысы ҚР төтенше жағдайлар министрлігіне жаңа басшысын таныстырды

Бүгін, 17-тамызда республика үкімет басшысы Даниал Ахметов ҚР төтенше жағдайлар министрлігіне жаңадан тағайындалған басшысы Шалбай Құлмахановты таныстырды. Бұл туралы KZ-today тілшісіне ҚР төтенше жағдайлар жөніндегі министрлігінің баспасөз қызметінен хабарлады.

Үкімет басшысы жиналғандарды ҚР президентінің Шалбай Құлмахановты ҚР төтенше жағдайлар министрі етіп тағайындау жөніндегі жарлығымен таныстырды. Д.Ахметов Ш.Құлмахановтың басқаруымен ҚР төтенше жағдайлар министрлігі сапалық жаңаша деңгейге көтеріледі дегенге сенім білдірді. Өз кезегінде Ш.Құлмаханов Елбасы алға қойған міндеттерді шешуге бар күші мен біліктілігін жұмсайтынын атап өтті.