Республика үкіметі 2005-жылғы бюджет тапшылығын Жалпы Ішкі Өнімнің 1 процентіне дейін азайтуды көздеп отыр

Республика үкіметі 2005-жылғы бюджет тапшылығын Жалпы Ішкі Өнімнің 1 процентіне дейін азайтуды көздеп отыр. Бұл туралы бүгін, 1-маусымда Астанада парламент палаталарының бірлескен отырысында үкімет басшысы Даниал Ахметов мәлімдеді,- деп хабарлайды KZ-today тілшісі.

«Біз бюджет тапшылығын 2005-жылы 1 процентке дейін, ал болашақта 0,5 процентке дейін кемітуді көздеп отырмыз»,- деді үкімет басшысы.

Д.Ахметовтың атап көрсетуінше, «мемлекеттік борыштарды қысқарту әлеуметтік жобаларды қаржыландыруға әсер ететіні сөзсіз».
Бұдан бұрын да хабарлағанымыздай, «2004-жылғы республикалық бюджет туралы» заңға толықтырулар мен өзгерістер енгізу туралы» заң жобасына сәйкес республикалық бюджеттің тапшылығы 92 663 000 мың теңге (немесе Жалпы Ішкі Өнімнің 1,8 проценті) көлемінде жоспарланып отыр.