Республика үкіметінде президенттің Қазақстан халқына арнаған жолдауын жүзеге асыру жөніндегі іс-шаралардың жалпыұлттық жоспарын орындау барысы талқыланды

Бірқатар министрлік пен ведомство басшылары үкімет басшысының алдында бекітілген желілік кесте аясында атқарылған жұмыстары туралы есеп беріп, алдағы айға белгіленген шаралар жайлы жан-жақты ақпараттарын ұсынды.

Кеңесте әсіресе барлық атқарушы органдардың желілік кестеде көрсетілген шараларды мерзімінде және нақтылы орындауы атап өтілді.
Үкімет басшысы жергілікті атқарушы органдар үшін ауқымды жұмыстарды атқаруға тура келетініне тоқталып өтті. Жолдауда алға қойылған міндеттердің мерзімінде және нақтылы іске асырылуы жергілікті жерде қалай және қаншалықты сапалы орындалуына байланысты болмақ.
Кеңес қорытындысы бойынша үкімет басшысы кеңсесінің басшысы Алтай Тілеубердинге, сондай-ақ орталық атқарушы органдардың басшыларына жалпыұлттық жоспарды мерзімінде орындауға қатысты нақты тапсырмалер берілді.
Даниал Ахметов уәкілетті органдардың басшыларынан «науқаншылдық пен ойланбай әрекет етуден бас тартып», кешенді жалпыұлттық жоспарды сапалы іске асыруға бағытталған жұмыстарды ұйымдастыруды талап етті.