РФ құрылыс компанияларын еліміздегі тұрғын үй бағдарламасын жүзеге асыруға қатыстыру - тұрғын үй бағасының арзандауына септігін тигізбек - үкімет басшысы

РФ құрылыс компанияларын еліміздегі тұрғын үй құрылысын дамыту жөніндегі мемлекеттік бағдарламаға сәйкес тұрғын үй құрылыстарын салуға қатыстыру - баспана бағасының арзандауына септігін тигізбек. Бүгін, 1-ақпанда үкіметтің кеңейтілген отырысы аяқталғаннан кейін өткізілген баспасөз мәслихатында үкімет басшысы Даниал Ахметов осындай пікір білдірді,- деп хабарлайды KZ-today тілшісі.

Д.Ахметовтың айтуынша, 2004-жылдың желтоқсан айында бағдарламаны жүзеге асыруға Ресейдің 21 құрылыс компаниясын қатыстыру туралы келісімге қол қойылған. «Бұл компаниялар таяудағы тендерге қатысып, баспана бағасын арзандатуда катализатор ролін атқарады деп сенемін»,- деді Д.Ахметов.

«Үкіметтің бағалауынша, тұрғын үйдің 1 шаршы метрін 350 долларға бағалау — қол жеткізуге тіптен болатын деңгей»,- деп мәлімдеді үкімет басшысы.