М.Фрадковтың айтуынша, «бұл — ұйымға мүше елдердің мұнай және газ рыногындағы іс-әрекеттерін үйлестіруге жасалған үлкен қадам». «Құрылғалы 5 жыл болған ЕурАзЭҚ бұрынғы кеңестік кеңістіктегі беделді ұйымға айналғанын дәлелдеді»,- деді ол.
Келісімде атап көрсетілгеніндей, ортақ мұнай және газ рыногы ұлттық мұнай, газ және оларды өңдеу өнімдерінің рыноктарының, сондай-ақ, мемлекеттердің транспорттық коммуникацияларының негізінде қалыптасады.
Келісімге сәйкес, мұнай, газ және оларды өңдеу өнімдерін еркін тасымалдау қарастырылған. Тараптар мұнай-газ ресурстарының саудасында қандайбір тарифтік немесе тарифтік емес шектеулерге жол бермеуге, сондай-ақ, ұлттық мұнай және газ рыноктарының инфрақұрылымына шығуға бірдей жағдайлар жасауға міндетті.
Сондай-ақ, келісімде атап көрсетілгеніндей, ортақ рынокты дамыту — мұнай-газ ресурстары саласында өзара келісілген экспорттық-импорттық саясат жүргізуге, мұнайг-газ саласына инвестиция тартуға қолайлы жағдайлар жасауға септігін тигізбек.
Ақпаратты пайдаланған жағдайда Kazakhstan Today ақпараттық агенттігіне сілтеме жасау міндетті
