Риддерде өрт салдарынан бір адам қаза тауып, екі адам зардап шекті

Шығыс Қазақстан облысының Риддер қаласында бір үйдегі өртті сөндіру барысында 40 жастағы еркектің мәйіті табылды. Бұл туралы KZ-today тілшісіне ҚР төтенше жағдайлар жөніндегі министрлігінің баспасөз қызметінен хабарлады.

Өрт Толстой көшесіндегі тұрғын үйде болған. №30 пәтерде шыққан өртті ауыздықтау барысында қаза тапқан ер адамның денесі табылды. Ал №35 пәтердің екі тұрғыны көмірқышқыл газынан уланып, ауруханаға түсті.

Тілсіз жау тұтана бастағаннан жарты сағаттан кейін сөндірілді. Жалын 40 шаршы метр аумақты шарпыды.