Рим әуежайында Duty Free қызметкерлері шеруге шықты

Duty Free бажсыз сауда дүкендер желісінің қызметкерлері сәрсенбі күні Римнің "Фьюмичино" әуежайында қарсылық шарасын өткізуде, деп "Коррьере делла сера" газеті мәлімдеді.

Шерушілер компания құрылымындағы ауқымды қысқартуларға қарсылық шарасы ретінде бірінші және екінші әуежайдың ұшу терминалдарының залына кіреберісті жауып тастады.

Қарсылық шарасы әуежайға келген жолаушыларды тіркейтін орынға өтуге кедергі келтірді, соның салдарынан көбісі ұшақтарына жете алмады.
Бұл соңғы айдағы мұндай үшінші акция.
Былтырғы жылдың соңында Рим әуежайында жеті сауда нүктесіне иелік ететін Duty Free Group компаниясы оларды жабу туралы шешім қабылдап, өз қызметкерлерін жұмыссыз қалдырды.