Рим папасының Twitter-де микроблогы пайда болады

Әлеуметтік коммуникация құралдары жөніндегі папалық кеңес басшысы Клаудио Мария Челли Ватиканда Қасиетті престолдың баспасөз орталығында сенбі күні Он алтыншы Бенедиктің Twitter-дегі микроблогын таныстырады, деп Би-би-си телерадиокорпорациясы хабарлады.

Микроблогта понтификтің сөздері беріледі, ал Бенедикт XVI әр ақпаратты жіберер алдында өзі бекітетін болады. Көбінесе жастар аудиториясына бағытталған жобаны іске қосу туралы шешім Ватиканда ақпан айында қабылданды.