Ринат Зайытов төбелес туралы айтқандарды "аса қадірсіз интриганттар" деп атады

Соңғы күндері интернет-порталдар айтыскер ақын Ринат Зайытов пен әнші Асхат Тарғынның бір тойда төбелесіп қалғаны туралы жарыса жазған еді. Енді бұл ақпаратты екеуі де теріске шығарып отыр.

Ақын мен әнші бірге түскен видеосын ғаламторға жариялады, деп хабарлайды Caravan.kz тілшісі. Онда бірінші Асхат Тарғын сөз алып: "Екі-үш күннен бері әлеуметтік желіде, неше түрлі сайттарда Ринат досым екеумізді төбелесті, керісті деген лақап әңгімелер тарап кетті. Сіздерге айтар жауабым: оған сенбеңіздер. Ринат екеуміз өнерде де, өмірде де доспыз" десе, Ринат Зайытов: "Аса қадірсіз интриганттар! Сіздер біреу туралы өтірік айтатын болсаңыздар, кішкене жарасатындай етіп айтыңыздар. Жарай ма?" депті.