Атап айтқанда, 9 жасқа дейінгі санатта Бибісара Асаубаева (Астана), 15 жасқа дейінгі оқушылар арасында Динара Асаубаева (Қостанай), 17 жасқа дейінгі жасөспірімдер арасында Динара Сәдуақасова алтыннан алқа тақты.
Ал күміс медаль қызылордалық 11 жастағы Әсел Серікбай мен 17 жастағы оралдық Әлібек Игембергеновтің қанжығасын майлады.
Сонымен қатар, Қазақ елінің тағы 3 жас шахматшысы әлемнің үздік 15 ойыншысының қатарынан көрінді.
«Біз ағымдағы жылы жоғары дайындық деңгейін көрсете алдық. Құрамамыз жинаған ұпай саны бойынша тек Ресей командасын ғана алға жіберді. Бұл біздің шәкірттеріміздің дәл қазіргі уақытта жоғары деңгейдегі жарыстарда да өнер көрсете алатындығын білдіреді», — дейді шахматтан ҚР-ның балалар мен жасөспірімдер құрамасының бас жаттықтырушысы Петр Костенко.
